આંગળી ઉંચી કરે…

એકાંત શોધવા માટે કલાકો ફર્યા હશે,
પછી પાંચ મિનિટ વાત કરી છુટ્ટા પડ્યા હોય
એ આંગળી ઊંચી કરે,

એક નાનો એવો સ્પર્શ પણ પૂછી પૂછી ને કર્યો હશે,
પછી કરીને એ યાદ આખી રાત જાગ્યા હોય
એ આંગળી ઊંચી કરે,

એને જોવા બાલ્કની બહાર મધરાતે ગયા હશે,
મંદિર માં જઈ એને જ સાથી ફરી ફરી માંગ્યા હોય
એ આંગળી ઊંચી કરે,

એના અબોલે ખાવા અને પીવાનું છોડી દીધું હશે,
પછી એક સોગંદ થી બધી વાતો જેણે માની હોય
એ આંગળી ઊંચી કરે,

ખાંસી આવે તો પીઠ પર એની હાથ ફેરવ્યો હશે,
અને ઘરમાં જેણે સંતાડી ને એનો ફોટો રાખ્યો હોય
એ આંગળી ઊંચી કરે,

જેણે કર્યો હોય પ્રેમ એ આંગળી ઊંચી કરે….

– કાજલ શાહ