જાણો નવા સુધારેલા મોટર વિહિકલ કાયદા મુજબ કઈ ભૂલો ઉપર થઈ શકે છે કેટલો દંડ….

Spread the love
Reading Time: 3 minutes

Compiled by- Ronak Palan, Student·

મોટર વાહન અધિનિયમ,1988 આ કાયદો 1 જુલાઈ 1989 થી અમલમાં આવ્યો હતો.·  આ કાયદામાં ડ્રાઇવરો પરવાનો, મોટર વાહનોની નોંધણી, પરમિટ દ્વારા મોટર વાહનોનું નિયંત્રણ, રાજ્ય પરિવહન ઉપક્રમોને લગતી વિશેષ જોગવાઈઓ, સહિતની વિધાનસભાની જોગવાઈઓ, કાયદાની કાયદાકીય જોગવાઈઓનો ઉપયોગ કરવા માટે, ટ્રાફિક નિયમન, વીમા, જવાબદારી, ગુનાઓ અને દંડ વગેરે નો સમાવેશ થાય છે.·         બાળકો એટલે કે ૧૬ વર્ષ ની ઉંમર પછી ગીયર વગરના વાહનો ચલાવવાની પરવાનગી આપવામાં આવી છે અને તેના માટે લર્નિંગ લાઈસન્સ કઢાવવું ફરજીયાત છે.·         અને ગીયર વાળા વાહન ચલાવાની ની પરવાનગી ૧૮ વર્ષની વય પૂરી થયા પછી મળે છે.· દરેક વાહનોમાં HSPR (High Security Registration Plate) હોવી જરૂરી છે. (RTO દ્વારા અધિકૃત નંબર પ્લેટ).

આ આધુનિક યુગમાં લાઈસન્સ કઢાવવાની સુવિધા હવે સરકાર દ્વારા ઓનલાઈન પણ શરૂ કરી દેવામાં આવી છે જેની એપ્લીકેશન તેની વેબસાઈટ https://parivahan.gov.in/sarathiservice/ પરથી પણ થઇ શકે છે.

          આ અધિનિયમમાં પહેલાનાં વર્ષોમાં ઘણા ફેરફાર કરવામાં આવેલ હતા જેમકે ૨૦૧૬,૨૦૧૭ અને તાજેતરમાં ૨૦૧૯માં ઘણા સુધારા કરવામાં આવેલ છે. મોટર વાહન (સુધારો) અધિનિયમ, 2019 હેઠળ નવા સૂધારા કરવામાં આવ્યાં છે. · પરિવાહન મંત્રાલયે ૨૮ ગસ્ટના રોજ એક જાહેરનામું બહાર પાડ્યું હતું, જેમાં 1 સપ્ટેમ્બર, 2019 થી અમલમાં આવેલા તમામ કાયદાઓની સૂચિ આપવામાં આવી છે.

          કેન્દ્ર સરકારે સૂચિત કર્યા મુજબ નશામાં ડ્રાઇવિંગ, લાઇસન્સ વિના વાહન ચલાવવું, ખતરનાક ડ્રાઇવિંગ, અતિ-ગતિ વગેરે વગેરે માટે ભારે દંડની રજૂઆત કરી છે. આ દંડ દર વર્ષે 10 ટકા વધશે આવી પણ જોગવાઈ કરવામાં આવી છે. સુધારેલા નિયમ મુજબની મહત્વની જોગવાઈઓ:-

(આ જોગવાઈઓનો અમલ ૧૫/૦૯/૧૯થી કરવાનો હતો, પરંતુ ત્યારબાદ તા.૧૫/૧૦/૧૯ અને અને છેલ્લે સરકારશ્રીએ જાહેર કર્યા મુજબ ૦૧/૧૧/૧૯ થી અમલ થશે)

સેક્સન ઉલ્લંઘન જૂની જોગવાઈ તથા દંડ

૦૧/૧૧/૨૦૧૯ પહેલા

નવી જોગવાઈ તથા દંડ. ૦૧/૧૧/૨૦૧૯ થી લાગુ
૧૭૭/૧૭૭એ સામાન્ય ઉલ્લંઘન ૧૦૦ ૫૦૦
૧૮૧ લાયસન્સ વગર વાહન ચલાવવું ૫૦૦ ૫૦૦૦
૧૮૩ ઓવર સ્પીડિંગ ૪૦૦ એલએમવી માટે 1000 રૂપિયા અને મધ્યમ પેસેન્જર વાહન માટે રૂ.2000 
૧૮૫ નશામાં ડ્રાઇવિંગ ૨૦૦૦ ૧૦૦૦૦
૧૮૯ ઝડપ / રેસિંગ ૫૦૦ ૫૦૦૦
૧૯૪ડી હેલ્મેટ્સ વગર દ્વિચક્રી વાહન ચલાવવું ૧૦૦ ૧૦૦૦ દંડ અને         ૩ મહિના માટે લાઈસન્સ રદ.
૧૯૪સી 2 વ્હીલર્સમાં બે વ્યક્તિ થી વધારે સવારી ૧૦૦ ૨૦૦૦ દંડ અને         ૩ મહિના સુધીની કેદ.
૧૯૪બી સીટ બેલ્ટ વગર વાહન ચલાવવું ૧૦૦ ૧૦૦૦
૧૯૪ઈ ઇમરજન્સી વાહનોને રસ્તો ન આપવો ———— ૧૦૦૦૦
૧૯૬ વીમા વગર ડ્રાઇવિંગ કરવું ૧૦૦૦ ૨૦૦૦

  “Style Matters but Safety First”

દારૂના નશામાં વાહન ચલાવવાના કિસ્સામાં 6 મહિના સુધીની કેદ અને / અથવા પ્રથમ વખત ગુનો થાય તો 10,000 રૂપિયા સુધીનો દંડ. બીજા ગુના માટે 2 વર્ષ સુધીની જેલની સજા થશે અને / અથવા રૂ .15,000 નો દંડ વસૂલવામાં આવશે. ·

નાના બાળકો મોટર વાહન ચલાવે તો તેના માટે ની જોગવાઈઓ:

નવા કાયદા મુજબ, જો મોટર વાહનનો ઉપયોગ બાળક દ્વારા કરવામાં આવે, તો તમારા વાહનની નોંધણી એક વર્ષ માટે રદ થઈ શકે છે. એક વર્ષનો સમયગાળો સમાપ્ત થઈ ગયા પછી, તમારે તમારા વાહનની નોંધણી માટે નવી એપ્લિકેશન સબમિટ કરવી પડશે. એક્ટના નવા દાખલ કરેલા કલમ, 199 એ અને 199 બી મુજબ તમને 25,000 રૂપિયાનો દંડ અને ત્રણ વર્ષ સુધીની કેદની સજા થશે. ·

ડ્રાઇવિંગ લાઇસન્સની સમાપ્તિ:નવા મોટર વાહન (સુધારો) અધિનિયમ, ૨૦૧૯ મુજબ, કોઈ વ્યક્તિ તેના લાઈસન્સની મુદત પુરી થાય તે પહેલા એક વર્ષ પહેલાં અને તેની સમાપ્તિ પછી એક વર્ષ સુધી ડ્રાઇવિંગ લાઇસન્સના નવીકરણ માટે અરજી કરી શકે છે. આનો અર્થ એ થાય કે જો તમારું ડ્રાઇવિંગ લાઇસન્સ ક્ટોબર ૨૦૨૦ માં સમાપ્ત થાય છે, તો પછી તમે ઓક્ટોબર ૨૦૧૯ થી ઓક્ટોબર ૨૦૨૧ સુધી નવીકરણ માટે અરજી કરી શકો છો. જો તમે લાઇસન્સ સમાપ્ત થયાના એક વર્ષ પછી નવીકરણ માટે અરજી કરો છો, તો તમારે ફરીથી ડ્રાઇવિંગ લાઇસન્સ પરીક્ષણ આપવાનું રહેશે. (નવા લાઈસન્સ માટે જરૂરી તમામ કાર્યવાહી કરવી પડશે.) ·         નિવાસ સ્થાનમાં ફેરફાર :1 સપ્ટેમ્બરથી શરૂ કરીને, જો તમે તમારા ડ્રાઇવિંગ લાઇસન્સમાં રહેઠાણનું સરનામું અથવા વ્યવસાયનું સ્થળ બદલવા માંગતા હો, તો તે નલાઇન થઈ શકે છે અને તમે રાજ્યમાં કોઈપણ નોંધણી કરનાર અધિકારીને આ માટે અરજી કરી શકો છો. ·         પોલ્યુસન અન્ડર કન્ટ્રોલ (PUC) પ્રમાણપત્રદરેક વાહન ચાલકો માટે PUC નું પ્રમાણપત્ર સાથે રાખવું ફરજીયાત છે. આ પ્રમાણપત્ર થી એ સાબિત થઇ છે કે તમારું વાહન હવા પ્રદૂષણના નિયમો નું પાલન કરે છે જે પર્યાવરણ માટે ખુબ જરૂરી છે. ·         મોટર વાહન (સુધારો) અધીનિયમ ૨૦૧૯ મુજબ વાહનને લગતા તમામ તમામ દસ્તાવેજો જેવાકે વાહનની રજીસ્ટ્રેશન બુક,PUC,વાહનની વિમા પોલીસી,ડ્રાઈવરનું ડ્રાઈવીંગ લાઈસન્સ,વ્યવસાયીક વાહનો માટે ફીટનેસ સર્ટીફીકેટ,આંતરરાજ્ય આવન-જાવન કરતાં વ્યવસાયીક વાહનો માટે જરૂરી પરમીટ વગેરે વાહન ચલાવનાર વ્યક્તિએ સાથે રાખવા આવશ્યક અને ફરજીયાત છે.તેના વગર વાહન જપ્ત થવા સુધીની દંડનીય કાર્યવાહીની જોગવાઈ કરવામાં આવી છે.   Start Early Drive Slowly Reach Safely

ટ્રાફિક હેલ્પલાઈન નં:- ૧૦૯૫                                 

પોલીસ હેલ્પલાઈન નં:-૧૦૦

You may have missed

error: Content is protected !!