GST પોર્ટલ પર “Specified Premises” માટે Opt-In ડિક્લેરેશન ફાઇલ કરવાની નવી સુવિધા શરૂ

તારીખ: ૧૫ જાન્યુઆરી, 2026

GST અંતર્ગત હોટલ રહેણાંક સેવાઓ આપતા કરદાતાઓ માટે મહત્વપૂર્ણ અપડેટ સામે આવ્યું છે. Notification No. 05/2025 – Central Tax (Rate), તારીખ 16 જાન્યુઆરી 2025 મુજબ જરૂરી ડિક્લેરેશનો હવે GST પોર્ટલ પર ઇલેક્ટ્રોનિક રીતે ઉપલબ્ધ કરાવવામાં આવ્યા છે. આ ડિક્લેરેશન દ્વારા હોટલના પ્રાંગણને “Specified Premises” તરીકે જાહેર કરી શકાય છે.

કોણ Opt-In કરી શકે?

• નિયમિત GST કરદાતા (Active અથવા Suspended) જે હોટલ રહેણાંક સેવાઓ આપે છે
• નવા GST રજિસ્ટ્રેશન માટે અરજી કરનાર અરજદારો

આ સુવિધા Composition, TDS/TCS, SEZ યુનિટ/ડેવલપર, Casual Taxpayer તથા Cancelled Registration ધરાવતા કરદાતાઓ માટે ઉપલબ્ધ નથી.

ઉપલબ્ધ ડિક્લેરેશનના પ્રકાર

1. Annexure VII – પહેલાથી રજિસ્ટર્ડ કરદાતાઓ માટે, જે આગામી નાણાકીય વર્ષ માટે પોતાના પ્રાંગણને Specified Premises જાહેર કરવા ઈચ્છે છે.

2. Annexure VIII – નવા GST રજિસ્ટ્રેશન માટે અરજી કરનાર વ્યક્તિઓ માટે, રજિસ્ટ્રેશનની અસરકારક તારીખથી Specified Premises જાહેર કરવા માટે.
   (Annexure IX – Opt-Out ડિક્લેરેશન અલગથી ઉપલબ્ધ કરવામાં આવશે.)

ડિક્લેરેશન ફાઇલ કરવાની સમયમર્યાદા

(A) હાલના રજિસ્ટર્ડ કરદાતા – Annexure VII

• અગાઉના નાણાકીય વર્ષના 1 જાન્યુઆરીથી 31 માર્ચ દરમિયાન ફાઇલ કરી શકાય છે.

• FY 2026-27 માટે, 01-01-2026 થી 31-03-2026 દરમિયાન ફાઇલ કરી શકાય છે.

(B) નવા રજિસ્ટ્રેશન અરજદારો – Annexure VIII
• ARN જનરેટ થયાની તારીખથી 15 દિવસની અંદર ફાઇલ કરી શકાય છે.
• GSTIN મળ્યું ન હોય છતાં અરજી રદ ન થઈ હોય તો ફાઇલિંગ શક્ય છે.
• 15 દિવસ બાદ ફક્ત Annexure VIIની વિન્ડોમાં જ Opt-In કરી શકાય છે.
• જો રજિસ્ટ્રેશન અરજી રદ થાય તો Annexure VIII ફાઇલ કરી શકાશે નહીં.

GST પોર્ટલ પર ફાઇલ કરવાની પ્રક્રિયા

1. GST પોર્ટલ પર લૉગિન કરો

2. Services → Registration → Declaration for Specified Premises

3. Opt-In Declaration પસંદ કરો

4. પાત્ર પ્રાંગણ પસંદ કરી ડિક્લેરેશન ભરી EVC દ્વારા સબમિટ કરો
   સફળ સબમિશન બાદ ARN જનરેટ થશે.

મહત્વપૂર્ણ મુદ્દાઓ

• એક ડિક્લેરેશનમાં વધુમાં વધુ 10 પ્રાંગણ પસંદ કરી શકાય છે.
• બાકી રહેલા પ્રાંગણ માટે અલગ ડિક્લેરેશન ફાઇલ કરી શકાય છે.
• Suspended કરદાતા ફાઇલ કરી શકે છે, પરંતુ Cancelled રજિસ્ટ્રેશન માટે મંજૂરી નથી.
• એક વખત Opt-In કરેલ વિકલ્પ Opt-Out (Annexure IX) ન થાય ત્યાં સુધી આગળના વર્ષોમાં પણ લાગુ રહેશે.

ફાઇલ કરેલ ડિક્લેરેશન ડાઉનલોડ

Services → Registration → Declaration for Specified Premises → Download
દરેક પ્રાંગણ માટે અલગ રેફરન્સ નંબર મળશે.

ઇમેઇલ અને SMS સૂચના

ડિક્લેરેશન સફળતાપૂર્વક ફાઇલ થયા બાદ તમામ Authorized Signatories ને ઇમેઇલ અને SMS દ્વારા જાણ કરવામાં આવશે.

ખાસ નોંધ

• FY 2025-26 માટે ડિક્લેરેશન મેન્યુઅલી ફાઇલ કરવામાં આવ્યા હતા. હવે ઓનલાઈન સુવિધા ઉપલબ્ધ હોવાથી, આવા કરદાતાઓએ FY 2026-27 માટે ફરીથી Annexure VII 01-01-2026 થી 31-03-2026 દરમિયાન ઇલેક્ટ્રોનિક રીતે ફાઇલ કરવાનું રહેશે.
• જે કરદાતા પ્રથમ વખત Specified Premises જાહેર કરવા માંગે છે, તેમણે પણ આ જ સમયગાળામાં Annexure VII ફાઇલ કરવું જરૂરી છે.

-By Bhavya Popat