બેન્ક એકાઉન્ટ ઉમેરવાના મેસેજને ગંભીરતાથી લેવો છે જરૂરી!!
જી.એસ.ટી. હેઠળ નવો નોંધણી દાખલો મેળવ્યાના 30 દિવસની અંદર અથવા પ્રથમ IFF કે GSTR 1 ફોર્મ ભરતા પહેલા બેન્ક ઉમેરવી છે ફરજિયાત:
તા. 02.12.2025: જી.એસ.ટી. નોંધણી દાખલો આપવામાં આવેલ હોય તેના ત્રીસ દિવસની અંદર અથવા પ્રથમ GSTR 1 ફોર્મ અથવા IFF ફિર્ણ ભરે તે પહેલા, બન્ને માંથી જે જલ્દી થાય તે સમય મર્યાદામાં કરદાતાઓ જી.એસ.ટી. પોર્ટલ ઉપર પોતાના ધંધાની તમામ બેન્કની વિગતો અપલોડ કરવી જરૂરી છે. ઘણા એવા નોંધણી દાખલા છે જેમાં આ બેન્ક વિગતો અપડેટ કરવામાં આવી નથી. આ અંગે જી.એસ.ટી. પોર્ટલ ઉપર 20 નવેમ્બરના રોજ એડવાઈઝરી બહાર પાડવામાં આવી છે. કરદાતાઓને જણાવવામાં આવ્યું છે કે આ બેન્ક ઉમેરવાની કાર્યવાહી જો આ સમયમર્યાદામાં ના કરવામાં આવેલ હોય તો અચૂક જલ્દીથી કરી આપવી. જો કરદાતાઓ દ્વારા આમ નહીં કરવામાં આવે તો તેઓના જી.એસ.ટી. રજીસ્ટ્રેશન સસ્પેન્ડ (સ્થગિત) થઈ શકે છે તેવી ચીમકી પણ પોર્ટલ ઉપર ઉચ્ચારવામાં આવી છે. આ અંગે કરદાતાઓ અને ટેક્સ પ્રોફેશનલસે નોન કોર ફિલ્ડમાં બેન્ક ખાતાની વિગતો અપલોડ કરી આપવી જરૂરી બની ગઈ છે. ભવ્ય પોપટ, એડિટર, ટેક્સ ટૂડે
