સવાલ આપના જવાબ ટેક્સ ટુડે એક્સપર્ટના Dt 31.03.2025

Tax Today-The Monthly News Paper

:ટેક્સ ટુડે એક્સપર્ટ:

CA મોનીષ શાહ, અમદાવાદ

એડવોકેટ લલિત ગણાત્રા, જેતપુર

CA દિવ્યેશ સોઢા, પોરબંદર

એડવોકેટ ભવ્ય પોપટ, ઉના

Goods & Services Tax

1. અમારા અસીલ સેકન્ડ હેન્ડ કારના ડીલર છે. તેઓ દ્વારા 8 કારનું વેચાણ કરવામાં આવ્યું હતું જેની વેચાણ કિંમત 6 લાખ પ્રતિ કાર છે. આમ, તેઓનું સેકન્ડ હેન્ડ કારનું કુલ વેચાણ 48 લાખ જેવુ થાય છે. આ કારની તેઓની પડતર 5 લાખ પ્રતિ કાર લેખે 40 લાખ હતી. આમ, તેઓનો માર્જિન માત્ર 8 લાખ છે. શું તેઓ જી.એસ.ટી. નોંધણી મેળવવા જવાબદાર બને? બીજા શબ્દોમાં કહીએ તો સેકન્ડ હેન્ડ કારના ડીલર માટે જી.એસ.ટી. નોંધણીની જવાબદારી માર્જિન 40 લાખ ઉપર જ્યાં તો આવે કે વેચાણ કરેલ કારનું મૂલ્ય 40 લાખ ઉપર જાય તો પણ નોંધણી દાખલો મેળવવો પડે?                                                     સુંદરીયા કોલીપરા, પોન્નુર

જવાબ:  જી.સ.ટી. કાયદા હેઠળ કલમ 2(6) ની “એગ્રીગેટ ટર્નઓવરની વ્યાખ્યા જોઈ સાથે સેક્શન 15 હેઠળ વેલ્યૂ ઓફ સપ્લાયની વ્યાખ્યા જોતાં સેકન્ડ હેન્ડ કારમાં આપનું જે માર્જિન છે એ જ ટર્નઓવર ગણાય અને એ રકમ જો 40 લાખ ઉપર થાય તો જી.એસ.ટી. નંબર લેવો પડે તેવો અમારો મત છે.

2. અમારા અસીલ ટ્રાન્સપોર્ટનો બિઝનેસ ધરાવે છે. તેઓ ટ્રક ખરીદી સહિતની ITC લેવા માંગતા હોય તેઓએ જી.એસ.ટી. હેઠળ RCM વિકલ્પ પસંદ કરવો જોઈએ કે FCM વિકલ્પ?                      નિમેશ પરિખ, જુનાગઢ

જવાબ: આપના અસીલ FCM એટ્લે કે ફોરવર્ડ ચાર્જમાં વેરો ભરવાનો વિકલ્પ પસંદ કરે તો જ તેઓ ITC લેવા હક્કદાર બને તેવો અમારો મત છે.  

ઇન્કમ ટેક્સ

1. અમારા અસીલને લાઈફ ઈન્સ્યોરન્સ પોલિસી ઉપર નફો થયો છે. આ નફો એ કેપિટલ ગેંઇન ગણાઈ કે અધર સોર્સની આવક ગણાય?

જવાબ: લાઈફ ઈન્સ્યોરન્સ પોલિસી જો ULIP પ્રકારની હોય તો એ પોલિસી ઉપર થયેલ નફો કેપિટલ ગેઇન ગણાય અને અન્ય પોલિસી ઉપરનો નફો આધાર સોર્સ ઇન્કમ ગણાય તેવો અમારો મત છે.

ખાસ નોંધ

1. જી.એસ.ટી. ની જોગવાઇઓની ગંભીરતા સમજી તમામ કરદાતાઓએ ટેક્સ પ્રોફેશનલ્સની સેવા લેવી ખૂબ જરૂરી છે. એકાઉન્ટન્ટ મિત્રોને પણ ખાસ વિનંતી કે પોતે એકાઉન્ટન્ટની કામગીરી સારી રીતે બજાવતા હોય તે બાબત ખૂબ સારી કહેવાય પરંતુ ટેક્સ રિટર્ન ભરવા, ટેક્સ આકારણીમાં ઉપસ્થિત થવા, નોંધણી મેળવવા વગેરે જેવી કામગીરી જે તે કાયદાના નિષ્ણાંત પાસે કરવો તેવો ખાસ આગ્રહ કરવામાં આવે છે જેથી ભવિષ્યમાં કરદાતાને મોટી મુશ્કેલી પડે નહીં.
2. જી.એસ.ટી. અંગે ના દર વિષે અભિપ્રાય આપવો ખૂબ મુશ્કેલ ગણાઈ. કારણકે જી.એસ.ટી. હેઠળ માલ તથા સેવા નો દર ઘણા પરિબળો પર નિર્ભર કરતો હોય છે. વેરા ના દર અંગે ના અભિપ્રાય માત્ર સામાન્ય સંજોગો મુજબ આપવામાં આવેલ છે. આ અંગે આપ એડ્વાન્સ રૂલિંગ દ્વારા ચોક્કસ દર જાણી શકો છો.
3. અમારા એક્સપર્ટ ટેક્સ ટુડે ને આ સેવા વાચકો ના લાભાર્થે આપે છે. તમામ વાચકો ને વિનંતી કે પોતાના પ્રશ્નો ટેક્સ ટુડે ને નીચે આપેલ ઇ મેઈલ પર મોકલે. કોઈ પણ સંજોગો માં વાચકો ને વિનંતી કે એક્સપર્ટ્સ નો સીધો સંપર્ક બિનવ્યવસાયી રીતે ના કરવો.

આ કૉલમ અંતર્ગત આપના પ્રશ્નો પૂછવા આપ અમને taxtodayuna@gmail.com પર ઇ મેઈલ કરી શકો છો. આપના પ્રશ્નોના જવાબ શક્ય એટલા જલ્દી લેવા પ્રયાસ કરવામાં આવશે.

ડિસ્ક્લેમર:આ કૉલમ ટેક્સ ટુડે ના એક્સપર્ટ દ્વારા શક્ય તમામ કાળજી રાખી કાયદા ના પોતાના અભિપ્રાય ઉપર આપવામાં આવેલ છે. છતાં આ અભિપ્રાય તેઓના અંગત અભિપ્રાય છે. કોઈ કેસ માં તેનો ઉપયોગ કરવો કે ના કરવો તે વાચકો ના અંગત મંતવ્યો ઉપર આધારિત છે.