સવાલ આપના જવાબ ટેક્સ ટુડે એક્સપર્ટના Dt. 01.02.2025

Tax Today-The Monthly News Paper

:ટેક્સ ટુડે એક્સપર્ટ:

CA મોનીષ શાહ, અમદાવાદ

એડવોકેટ લલિત ગણાત્રા, જેતપુર

CA દિવ્યેશ સોઢા, પોરબંદર

એડવોકેટ ભવ્ય પોપટ, ઉના

Goods & Services Tax

1. અમારા અસીલ કંપોઝીશનની પરવાનગી ધરાવતા કરદાતા છે. તેઓ કોમર્શિયલ પ્રોપર્ટી માટે બિનનોંધાયેલ મકાનમાલિકને ભાડું ચૂકવે છે. શું તેઓ RCM ભરવા જવાબદાર બને? સુંદરીયા કોલીપરા, પોન્નુર

જવાબ: ના, નોટિફિકેશન 07/2025, તા. 16.01.2025 મુજબ કંપોઝીશનની પરવાનગી ધરાવતા કરદાતાઓને કમર્શિયલ પ્રોપર્ટીના RCM ભરવાની જવાબદારી માંથી મુક્તિ આપવામાં આવેલ છે. આમ, આપના અસીલની RCM ભરવાની જવાબદારી થાય નહીં તેવો અમારો મત છે.

2. GTA (ગુડ્સ ટ્રાન્સપોર્ટ એજન્સી સર્વિસ) પર મારા મત મુજબ 0% (RCM), 5% ITC વગર અને 12% ITC સાથેનો રેઇટ ગણાય. શું GTA ઉપર કોઈ સંજોગોમાં 18% નો રેઇટ લાગુ પડી શકે? જીતેશ કાપડિયા, જેતપુર

જવાબ: ના, GTA (ગુડ્સ ટ્રાન્સપોર્ટ એજન્સી) પર 18% નો રેઇટ લાગુ પડે નહીં તેવો અમારો મત છે.

3. GTA (ગુડ્સ ટ્રાન્સપોર્ટ એજન્સી) RCM નો વિકલ્પ પસંદ કરેલ હોય તો ઈન્પુટ ટેક્સ ક્રેડિટ મળે કે નહીં?                                                                                                                                            જીતેશ કાપડિયા, જેતપુર

જવાબ: ના, GTA (ગુડ્સ ટ્રાન્સપોર્ટ એજન્સી) દ્વારા RCM નો વિકલ્પ પસંદ કરેલ હોય તો ઈન્પુટ ટેક્સ ક્રેડિટ મળે નહીં તેવો અમારો મત છે.

ઇન્કમ ટેક્સ 

1. અમારા અસીલ પોતાની દીકરીના લગ્ન સંદર્ભે 15 લાખ જેવો ખર્ચ કરેલ છે. આ ખર્ચ મૂડી ખાતામાં ઉપાડ તરીકે દર્શાવવો જોઈએ કે અલગથી મૂડી ખાતામાં દર્શાવવો જોઈએ? શું આ ધંધાકીય ખર્ચ તરીકે કોઈ મર્યાદામાં બાદ મળી શકે?                                                                                                         સુંદરીયા કોલીપરા, પોન્નુર

જવાબ: દીકરીના લગ્ન સંદર્ભે કરવામાં આવેલ ખર્ચ એ મૂડી ખાતે દર્શાવવાનો રહે. મૂડી ખાતે ઉપાડ તરીકે દર્શાવવા માં આવે કે અલગ લગ્ન ખર્ચ તરીકે દર્શાવવામાં આવે બંને બાબતે કોઈ ફેર પડે નહીં. આ ખર્ચ ધંધાકીય ખર્ચ તરીકે બાદ મળે નહીં તેવો અમારો મત છે.

ખાસ નોંધ

1. જી.એસ.ટી. ની જોગવાઇઓની ગંભીરતા સમજી તમામ કરદાતાઓએ ટેક્સ પ્રોફેશનલ્સની સેવા લેવી ખૂબ જરૂરી છે. એકાઉન્ટન્ટ મિત્રોને પણ ખાસ વિનંતી કે પોતે એકાઉન્ટન્ટની કામગીરી સારી રીતે બજાવતા હોય તે બાબત ખૂબ સારી કહેવાય પરંતુ ટેક્સ રિટર્ન ભરવા, ટેક્સ આકારણીમાં ઉપસ્થિત થવા, નોંધણી મેળવવા વગેરે જેવી કામગીરી જે તે કાયદાના નિષ્ણાંત પાસે કરવો તેવો ખાસ આગ્રહ કરવામાં આવે છે જેથી ભવિષ્યમાં કરદાતાને મોટી મુશ્કેલી પડે નહીં.
2. જી.એસ.ટી. અંગે ના દર વિષે અભિપ્રાય આપવો ખૂબ મુશ્કેલ ગણાઈ. કારણકે જી.એસ.ટી. હેઠળ માલ તથા સેવા નો દર ઘણા પરિબળો પર નિર્ભર કરતો હોય છે. વેરા ના દર અંગે ના અભિપ્રાય માત્ર સામાન્ય સંજોગો મુજબ આપવામાં આવેલ છે. આ અંગે આપ એડ્વાન્સ રૂલિંગ દ્વારા ચોક્કસ દર જાણી શકો છો.
3. અમારા એક્સપર્ટ ટેક્સ ટુડે ને આ સેવા વાચકો ના લાભાર્થે આપે છે. તમામ વાચકો ને વિનંતી કે પોતાના પ્રશ્નો ટેક્સ ટુડે ને નીચે આપેલ ઇ મેઈલ પર મોકલે. કોઈ પણ સંજોગો માં વાચકો ને વિનંતી કે એક્સપર્ટ્સ નો સીધો સંપર્ક બિનવ્યવસાયી રીતે ના કરવો.

આ કૉલમ અંતર્ગત આપના પ્રશ્નો પૂછવા આપ અમને taxtodayuna@gmail.com પર ઇ મેઈલ કરી શકો છો. આપના પ્રશ્નોના જવાબ શક્ય એટલા જલ્દી લેવા પ્રયાસ કરવામાં આવશે.

ડિસ્ક્લેમર:આ કૉલમ ટેક્સ ટુડે ના એક્સપર્ટ દ્વારા શક્ય તમામ કાળજી રાખી કાયદા ના પોતાના અભિપ્રાય ઉપર આપવામાં આવેલ છે. છતાં આ અભિપ્રાય તેઓના અંગત અભિપ્રાય છે. કોઈ કેસ માં તેનો ઉપયોગ કરવો કે ના કરવો તે વાચકો ના અંગત મંતવ્યો ઉપર આધારિત છે.