સવાલ આપના જવાબ ટેક્સ ટુડે એક્સપર્ટના Dt 24.02.2025

Tax Today-The Monthly News Paper

:ટેક્સ ટુડે એક્સપર્ટ:

CA મોનીષ શાહ, અમદાવાદ

એડવોકેટ લલિત ગણાત્રા, જેતપુર

CA દિવ્યેશ સોઢા, પોરબંદર

એડવોકેટ ભવ્ય પોપટ, ઉના

Goods & Services Tax

1. અમારા અસીલ માલિકી ધોરણે જુદા જુદા બે સ્થળે જી.એસ.ટી. નંબર ધરાવીએ છીએ. પ્રથમ જી.એસ.ટી. નંબરમાં અમો રેતી નું વેચાણ કરીએ છીએ. બીજા નંબરમે અમો થર્ડ પાર્ટીનું કાર્ટિંગ કરી GTA ની સેવા પૂરી પાડીએ છીએ. નાણાકીય વર્ષ 2023 24 માં અમો GTA તરીકે RCM ના વિકલ્પમાં હતા. નાણાકીય વર્ષ 2023 24 માં અમોએ ટ્રક લીધી તેની ક્રેડિટ લીધેલ નથી. હાલ અમો બંને ધંધા મર્જ કરવા માંગે છે. એટ્લે કે અમે અમારો GTA નો ધંધો રેતીના ધંધામાં મર્જ કરી આપવા માંગીએ છીએ. શું અમારા ધંધામાં રહેલ ટ્રક ઉપર 28% ભરવા જવાબદાર બનીએ?                                                                                   ધ્રુવી શાહ, અમદાવાદ

જવાબ: ના, જ્યારે આપનો બિઝનેસ અન્ય GSTIN ઉપર સંપૂર્ણ જવાબદારી સાથે તબદીલ થતો હોય ત્યારે “ગોઇંગ કન્સર્ન” સિદ્ધાંત મુજબ તથા જી.એસ.ટી. કાયદાની કલમ 18(3) જી.એસ.ટી. કાયદાની કલમ 29(5) હેઠળ ટ્રક ઉપર જી.એસ.ટી. ભરવાની જવાબદારી આવે નહીં તેવો અમારો મત છે.

2. અમારા અસીલ મ્યુનિસીપલ કોર્પોરેશન છે. તેઓ કાર વાર્ષિક ધોરણે ભાડે રાખે છે. આ કારના માલિક URP (બિન નોંધાયેલ છે). શું મ્યુનિસિપલ કોર્પોરેશન RCM ભરવાં જવાબદાર બને? બને તો ક્યાં દરે વેરો ભરવાં જવાબદાર બને?                                                                                                             ધ્રુવી શાહ, અમદાવાદ

જવાબ: મ્યુનિસિપલ કોર્પોરેશન જી.એસ.ટી. કાયદા હેઠળ બોડી કોર્પોરેટ ગણાય. જો તેમના દ્વારા કાર એવી રીતે ભાડે લેવામાં આવેલ હોય જે ભાડામાં પેટ્રોલ-ડીઝલની કિંમત પણ સમાવિષ્ટ થઈ ગયો હોય તો RCM ની જવાબદારી લાગુ પડે. જો આમ ના હોય તો RCM ની જવાબદારી લાગુ પડે નહીં. જો RCM લાગુ પડે તો 5% ના દરે પડે તેવો અમારો મત છે.

3. અમારા વેપારીશ્રી મકાઇ ખોળ ખરીદી કરી પુનઃ વેચાણનો ધંધો કરે છે. મકાઇ ખોળ એ NIL રેટેડ વસ્તુમાં આવે. તેઓનું ટર્નઓવર 4 કરોડ જેવુ છે. શું તેઓ જી.એસ.ટી. નંબર રદ્દ કરવી શકે?          ગૌરવ પટેલ, ખેડા  જવાબ: હા, માત્ર કરમુક્ત વસ્તુનું ટર્નઓવર કરતાં હોય તેઓ 4 કરોડ નું ટર્નઓવર હોવા છતાં જી.એસ.ટી. નંબર રદ્દ કરવી શકે છે તેવો અમારો મત છે.

ખાસ નોંધ

1. જી.એસ.ટી. ની જોગવાઇઓની ગંભીરતા સમજી તમામ કરદાતાઓએ ટેક્સ પ્રોફેશનલ્સની સેવા લેવી ખૂબ જરૂરી છે. એકાઉન્ટન્ટ મિત્રોને પણ ખાસ વિનંતી કે પોતે એકાઉન્ટન્ટની કામગીરી સારી રીતે બજાવતા હોય તે બાબત ખૂબ સારી કહેવાય પરંતુ ટેક્સ રિટર્ન ભરવા, ટેક્સ આકારણીમાં ઉપસ્થિત થવા, નોંધણી મેળવવા વગેરે જેવી કામગીરી જે તે કાયદાના નિષ્ણાંત પાસે કરવો તેવો ખાસ આગ્રહ કરવામાં આવે છે જેથી ભવિષ્યમાં કરદાતાને મોટી મુશ્કેલી પડે નહીં.
2. જી.એસ.ટી. અંગે ના દર વિષે અભિપ્રાય આપવો ખૂબ મુશ્કેલ ગણાઈ. કારણકે જી.એસ.ટી. હેઠળ માલ તથા સેવા નો દર ઘણા પરિબળો પર નિર્ભર કરતો હોય છે. વેરા ના દર અંગે ના અભિપ્રાય માત્ર સામાન્ય સંજોગો મુજબ આપવામાં આવેલ છે. આ અંગે આપ એડ્વાન્સ રૂલિંગ દ્વારા ચોક્કસ દર જાણી શકો છો.
3. અમારા એક્સપર્ટ ટેક્સ ટુડે ને આ સેવા વાચકો ના લાભાર્થે આપે છે. તમામ વાચકો ને વિનંતી કે પોતાના પ્રશ્નો ટેક્સ ટુડે ને નીચે આપેલ ઇ મેઈલ પર મોકલે. કોઈ પણ સંજોગો માં વાચકો ને વિનંતી કે એક્સપર્ટ્સ નો સીધો સંપર્ક બિનવ્યવસાયી રીતે ના કરવો.

આ કૉલમ અંતર્ગત આપના પ્રશ્નો પૂછવા આપ અમને taxtodayuna@gmail.com પર ઇ મેઈલ કરી શકો છો. આપના પ્રશ્નોના જવાબ શક્ય એટલા જલ્દી લેવા પ્રયાસ કરવામાં આવશે.

ડિસ્ક્લેમર:આ કૉલમ ટેક્સ ટુડે ના એક્સપર્ટ દ્વારા શક્ય તમામ કાળજી રાખી કાયદા ના પોતાના અભિપ્રાય ઉપર આપવામાં આવેલ છે. છતાં આ અભિપ્રાય તેઓના અંગત અભિપ્રાય છે. કોઈ કેસ માં તેનો ઉપયોગ કરવો કે ના કરવો તે વાચકો ના અંગત મંતવ્યો ઉપર આધારિત છે.