HSN કોડ અને ટેક્ષ ઇન્વોઇસ નંબર  ટેક્ષ ઇન્વોઇસ માં લખવા અંગેની અગત્યની માહિતી

By Prashant Makwana

તા: 17-03-2023

01-04-2023 માં પાછલા વર્ષ ટર્નઓવર મુજબ HSN કોડ લખતા હોય છે. વેપારી નું નાણાકીય વર્ષ 2021-22 નું ટર્નઓવર 5 કરોડ થી ઓછુ હોય તેથી ટેક્ષ ઇન્વોઇસ મા જો 4 ડીજીટ નો HSN કોડ લખતા હોય અને B2C ને ટેક્ષ ઇન્વોઇસ ઇસ્યુ કરે તેમાં HSN કોડ નો લખતા હોય પરંતુ નાણાકીય વર્ષ 2022-23 માં ટર્નઓવર 5 કરોડ થી વધતું હોય તો 01-04-2023 થી એટલે કે નાણાકીય વર્ષ 2023-24 માં B2B અને B2C બંને ટેક્ષ ઇન્વોઇસ મા 6 ડીજીટ નો HSN કોડ લખવો ફરજીયાત છે.  

દરેક વેપારી મિત્રો એ નાણાકીય વર્ષ 2022-23 ના  ટર્નઓવર  ને ધ્યાન માં રાખી ને 01-04-2023 થી નીચે મુજબ ની રીતે ટેક્ષ ઇન્વોઇસ  માં HSN કોડ લખાય તે રીતે જરૂરી ફેરફાર સોફ્ટવેર માં વેહેલા સર કરાવી લેવો હિતાવહ છે.

• જે રજીસ્ટર વેપારીનું ટર્ન ઓવર 5 કરોડ થી વધુ હોય તે વેપારી એ B2B અને B2C બંને પ્રકાર ના વ્યવહારો માં 6 ડીજીટ નો HSN કોડ લખવો ફરજીયાત છે.
• જે રજીસ્ટર વેપારીનું ટર્ન ઓવર 5 કરોડ સુધી હોય તે વેપારી એ B2C એટલે કે GST માં રજીસ્ટર નો હોય તો તે વેપારી ને માલ કે સેવા આપવામાં આવે ત્યારે 4 ડીજીટ HSN કોડ લખવો વૈકલ્પિક છે.
• EXPORT ના વ્યવહાર માં કુલ વાર્ષિક ટર્નઓવર 5 કરોડ સુધી હોય કે 5 કરોડ થી વધુ હોય તો બધાજ કરદાતા એ 8 ડીજીટનો HSN કોડ લખવો ફરજીયાત છે.
• દરેક વેપારી મિત્રો એ 01-04-2023 થી ટેક્ષ ઇન્વોઇસ નંબર 01 થી શરુ કરવા. ઉદાહરણ તરીકે નાણાકીય વર્ષ 2022-23 માં એટલે કે 31-03-2023 સુધી ટોટલ 220 ટેક્ષ ઇન્વોઇસ બન્યા હોય તો 01-04-2023 થી ટેક્ષ ઇન્વોઇસ બનાવી તેમાં 01 ટેક્ષ ઇન્વોઇસ નંબર લખવાનો. ૨૨૧ ટેક્ષ ઇન્વોઇસ નંબર લખવો નહિ.

(આ લેખમાં આપવામાં આવેલ મંતવ્યો વિષય ઉપર લેખકના અંગત મંતવ્ય છે)