સવાલ આપના જવાબ ટેક્સ ટુડે એક્સપર્ટના (આ કૉલમ દર શનિવારે પ્રસિદ્ધ થશે) તા. 24.02.2024
Tax Today-The Monthly News Paper
:ટેક્સ ટુડે એક્સપર્ટ:
CA મોનીષ શાહ, અમદાવાદ
એડવોકેટ લલિત ગણાત્રા, જેતપુર
CA દિવ્યેશ સોઢા, પોરબંદર
એડવોકેટ ભવ્ય પોપટ, ઉના
Goods & Services Tax
- અમારા અસીલ પ્રોપરાઇટર તરીકે જી.એસ.ટી. હેઠળ નોંધાયેલ છે. તેઓ દ્વારા એક પ્લોટનું વેચાણ એક શરત ઉપર કરવામાં આવ્યું હતું કે આ પ્લોટ ઉપર કરવામાં આવેલ બાંધકામ તેઓની પેઢી પાસે જ કરાવવાનું રહેશે. જો આ બાંધકામ તેમની ઓસે નહીં કરાવવામાં આવે તો તેઓને અંદાજિત બાંધકામની કિંમતની 10% રકમ, કોન્ટ્રાક્ટ બ્રીચ તરીકે ચૂકવવાની રહેશે. શું આ 10% લેખે મળેલ રકમ ઉપર જી.એસ.ટી. ની જવાબદારી આવે? શું આ મિક્સ્ડ સપ્લાય ગણાય? CA દિનેશ ટી. જાદવ,
જવાબ: ના, આ રકમ બ્રીચ ઓફ કોન્ટ્રાક્ટ તરીકે ચૂકવવામાં આવેલ હોય નહીં કે કોઈ કામ ના કરવાં માટે ચૂકવવામાં આવેલ હોય, જી.એસ.ટી. લાગુ પડે નહીં તેવો અમારો મત છે. આ બાબતે સર્ક્યુલર 178/10/2022-GST, તા. 03.08.2022 ઉપયોગી સાબિત થઈ શકે છે.
- અમે સરકારી ઓડિટનું કામ કરીએ છીએ. અમો જી.એસ.ટી. હેઠળ રજિસ્ટર્ડ છીએ. જે ઓડિટ ફી નક્કી થઈ હોય તેના ઉપર જી.એસ.ટી. લાગુ પડે? કે જી.એસ.ટી. હેઠળ ગવર્નમેંટ ઓફિસને આપવામાં આવેલ ઓડિટની સેવાને કરમુક્ત ગણાય? નિમેશ પરિખ, ટેક્સ કન્સલ્ટન્ટ, જુનાગઢ
જવાબ: ના, સરકારને આપવામાં આવેલ ઓડિટની સેવાને જી.એસ.ટી. કાયદા હેઠળના કરમુક્તિ મળે નહીં તેવો અમારો મત છે.
(આ જવાબમાં અગાઉ અલગ જવાબ આપવામાં આવ્યો હતો. હવે આપવામાં આવેલ આ જવાબને ફાઇનલ જવાબ ગણી ચાલો તેવી વિનંતી)
ખાસ નોંધ
- જી.એસ.ટી. ની જોગવાઇઓની ગંભીરતા સમજી તમામ કરદાતાઓએ ટેક્સ પ્રોફેશનલ્સની સેવા લેવી ખૂબ જરૂરી છે. એકાઉન્ટન્ટ મિત્રોને પણ ખાસ વિનંતી કે પોતે એકાઉન્ટન્ટની કામગીરી સારી રીતે બજાવતા હોય તે બાબત ખૂબ સારી કહેવાય પરંતુ ટેક્સ રિટર્ન ભરવા, ટેક્સ આકારણીમાં ઉપસ્થિત થવા, નોંધણી મેળવવા વગેરે જેવી કામગીરી જે તે કાયદાના નિષ્ણાંત પાસે કરવો તેવો ખાસ આગ્રહ કરવામાં આવે છે જેથી ભવિષ્યમાં કરદાતાને મોટી મુશ્કેલી પડે નહીં.
- જી.એસ.ટી. અંગે ના દર વિષે અભિપ્રાય આપવો ખૂબ મુશ્કેલ ગણાઈ. કારણકે જી.એસ.ટી. હેઠળ માલ તથા સેવા નો દર ઘણા પરિબળો પર નિર્ભર કરતો હોય છે. વેરા ના દર અંગે ના અભિપ્રાય માત્ર સામાન્ય સંજોગો મુજબ આપવામાં આવેલ છે. આ અંગે આપ એડ્વાન્સ રૂલિંગ દ્વારા ચોક્કસ દર જાણી શકો છો.
- અમારા એક્સપર્ટ ટેક્સ ટુડે ને આ સેવા વાચકો ના લાભાર્થે આપે છે. તમામ વાચકો ને વિનંતી કે પોતાના પ્રશ્નો ટેક્સ ટુડે ને નીચે આપેલ ઇ મેઈલ પર મોકલે. કોઈ પણ સંજોગો માં વાચકો ને વિનંતી કે એક્સપર્ટ્સ નો સીધો સંપર્ક બિનવ્યવસાયી રીતે ના કરવો.
આ કૉલમ અંતર્ગત આપના પ્રશ્નો પૂછવા આપ અમને taxtodayuna@gmail.com પર ઇ મેઈલ કરી શકો છો. આપના પ્રશ્નોના જવાબ શક્ય એટલા જલ્દી લેવા પ્રયાસ કરવામાં આવશે.
ડિસ્ક્લેમર:આ કૉલમ ટેક્સ ટુડે ના એક્સપર્ટ દ્વારા શક્ય તમામ કાળજી રાખી કાયદા ના પોતાના અભિપ્રાય ઉપર આપવામાં આવેલ છે. છતાં આ અભિપ્રાય તેઓના અંગત અભિપ્રાય છે. કોઈ કેસ માં તેનો ઉપયોગ કરવો કે ના કરવો તે વાચકો ના અંગત મંતવ્યો ઉપર આધારિત છે.
