ત્રિમાસિક GSTR 1 બાબતે જાહેર થઈ મહત્વની માર્ગદર્શિકા. વિગતો જાણવી તમારા માટે છે ખૂબ જરૂરી

IFF અને GSTR 1 સંદર્ભે GSTN દ્વારા  મહત્વની માર્ગદર્શિકા જી.એસ.ટી. પોર્ટલ ઉપર કરવામાં આવી છે જાહેર!!

તા. 01.04.2021: જી.એસ.ટી. હેઠળ ત્રિમાસિક રિટર્ન માસિક વેરો (QRMP) સ્કીમ હેઠળ ત્રિમાસિક રિટર્ન ભરવા જવાબદાર કરદાતા માટે મહત્વની માર્ગદર્શિકા બહાર પાડવામાં આવી છે. આ માર્ગદર્શિકાના મહત્વના મુદ્દા નીચે મુજબ છે:

• IFF એ મરજિયાત હોય જે તે મહિના પછીના 13 તારીખ બાદ આ ફોર્મ ભરી શકાતું નથી. ત્રિમાસના પ્રથમ બે માસમાં કરવામાં આવેલ B2B વેચાણ ની વિગતો જે IFF માં દર્શાવવામાં આવી નથી તે વિગતો ત્રિમાસિક GSTR 1 માં દર્શાવવાની રહે છે.

• જાન્યુઆરી તથા ફેબ્રુઆરીના ફાઇલ ના કરવામાં આવેલ IFF ની અમુક B2B વિગતો “સબમિટ” કરેલી હોય તો ત્રિમાસિક GSTR 1 ભરતા પહેલા આ વિગતો “રીસેટ” ના વિકલ્પ પડે “ડિલીટ” કરી નાંખવી જરૂરી છે. આ ડિલીટ કરેલ B2B ઇંવોઇસની વિગતો ત્રિમાસિક GSTR 1 માં દર્શાવવાની રહેશે. જો આ ફાઇલ ના કરેલ IFF ની વિગતો “ડિલીટ” કરવામાં ના આવે તો GSTR 1 માં આ વિગતો “ઓટો ડિલીટ”/અપલોડ ના થાય તેવું બની શકે છે.

• ભવિષ્યમાં આ પ્રકારે “સેવ” થયેલ વિગતો “સેવ” થયેલ IFF માથી ઓટોમેટિક ડિલીટ અથવા મુવ થશે તેવી સગવડ શરૂ કરવામાં આવશે ત્યાર બાદ કરદાતાએ ઉપર જણાવેલ વિધિ કરવી જરૂરી રહેશે નહીં.

• કોઈ પણ સબમિટ થયેલ પણ ફાઇલના થયેલ IFF ત્રિમાસિક GSTR 1 ભરતા પહેલા ફાઇલ કરી આપવું ફરજિયાત રહેશે.

GSTN ની આ મહત્વની માર્ગદર્શિકાની નોંધ લેવામાં આવે તે ઇચ્છનીય છે. ભવ્ય પોપટ, ટેક્સ ટુડે